Aku menulis bukan kerna nama,, kerna sifat kasih, sayang sesama insan...yang menyatakan..kasih sayangmu...kita sama...semuanya sama...apa yang ada hanyalah kehidupan......

jojak hari-hari

12 October, 2011

JOM LAYAN KARANGAN DEN..HAHA


KARANGAN NEGERI SEMBILAN...OMAT BOTO AKA DEN

PAGI TU PAGI SENAYAN..MAK NGAN ABAH DEN TAKDO KEK GHUMAH.GI MOTONG KEK KOBUN GOTAH. TING GA DEN , UWAN DEN NGAN ADIK DEN YANG UMO LAPAN TAUN YO KEK GHUMAH.

TE TIBO DAPO GHUMAH JIGHAN DEN MELOTOP!!!..HABIH BELANGO NGAN KUALI TOHUMBAN KEK PINTU PAGA. UWAN DEN YANG TONGAH NGOJO AN KEKABU TU,,DEK TERGAMANG EH,,BIJI KEKABU TU DI TEGHAJANG EH. LOBIH SEGONGGAM KEKABU DI KUNYAH EH. DEN NGAN UWAN  DEN BEKOJA NAK NOLONG AN JIGHAN DEN. UMANG AII,, API NENEK MOYANG BOSA EH..JANGAN KAN NAK NOLONG, DOKEK PUN PANEH. TAK DI TOLONGKAN ..JIGHAN,,KUK DI TOLONGKAN...AWAK LAK YANG MODA KANG..DEN NGAN ADIK DEN PUN BERTINGGUNG LAH KEK PINTU PAGA NUNGGU AN API PADAM. JIGHAN DEN TAH APO LAK KOBAAN EH. KOK HIDUP,,ADO LAH.TAK LAMO TU JIGHAN DEN PUN BALIK. GHUPO EH DIO GI BONDA NENGOK ANAK EH TANGKAP IKAN. PUEH DEN KOBAAN DAPO EH TEBAKA, TAK DIAPIK EH. SUKO BONA ANAK EH DAPEK IKAN BOSA. POLAK NYAWO DEN...
YO TAK YO,,DEN PUN BALIK GHUMAH. KOJAP TU,, DEN DONGAR JIGHAN DEN MEGHAUNG. BAGHU PEGHASAN LAH TU. AGAK EH, DIO NAK MASAK IKAN ,,GI DAPO NENGOK DAH HANGUIH. KANG KOK DIO DATANG NGADU KEK GHUMAH DEN,, MAUN YO DEN GHEMBAT EH.. PUEH DEN KOBAAN TADI.
TU LAH CITO SEDERHANO NOGOGHI YANG DEN NENGOK. TAPI TU PUN DAH LAMOOO.. MASO DEN KOCIK. TU PUN UWAN DEN YANG CITO..
“KOK MONGAK UWAN DEN, MONGAK LAH DEN”

26 comments:

YanaAbell said...

pening mmbaca. tak fhm pn . HAHA

kaklong said...

loteh dah den maco ea,ramai na yg kopi pes ea,tak ghoti dah nk komen apo...huhuh!

apek poyo said...

nur liyana : huhuhu..sajo bg sakit kepalo

kak long : nambah an sakit kepalo..ekekke

fisya sabri said...

huhu, pham la jgk sket2...

cik panadol said...

uwan ko tu nasib la kunyah bijik kekabu yo...buek eh latah mencarut bagai, sobut anu anu kang, laie la parah...omat aka den kalo dapek jighan mcm tu...maun den betokak mo dio kalo dio dtg ngadu...lobih an bona ikan lak dr ghumah eh tu...


walaupon den paham, tp merangkak gak la nk membaco ngn menyobut eh sebutir2 ayat tu...osoh pokek eh bahaso...

Niza Romli said...

aku paham jgk sikit2...

kembong mulut aku baca...haha

apek poyo said...

kak lang : huhu..sajo tambah sakit kepalo..

cik pana : alahai..asalkan buleh yo

niza : den nak bg sakit hati yo..ekekeek

fana.akim said...

mak aihh..tak paham den..huhu

Nur Aqilah said...

xbpe phm..:p

Azhafizah MN said...

tak paham den

noraauliyya said...

sumpah ak ta faham .

♥ Nana BamBam ♥ said...

ambo tak pahe ngan karangan mu nie... payoh nak pahe...maaf la yo.. hahaha

♥ Nana BamBam ♥ said...

paham sikit2 je la..kesian uwan ko tuh..makan kakabu..hahaha ta bley bla

anamizu said...

adeh..poning palo den baco..
hahahahaha tp lawak la :P



luv,
cik ana

RerameUngu said...

hahahaha..den suko mek amek la kok ada kaghangan noghoghi ni...suko bona eden.

kok la den dapek jighan camtu memang nak kono hompuk la jawab eh mo den..dah di koba an bokali2 tak yo di heghan memang den angin la kan..ekekekek

cik sakura said...

pening la..heee

apek poyo said...

sajo yo den suruh korang semua sakit kepalo bila baca...ekekekek
mahap la yo

merahitujambu said...

den paham...=p

apek poyo said...

merah : nasib tak sakit kepalo..ekekek

ikhwaniey said...

suko den baco eh....den copy yo...baguih bona....

Cik Ice said...

Uhuii..ponat den..semput den.. *Tarik nafas panjang2..lepas..* :P

Shazleen Zakree said...

sesungguhnya den tak fhm laahh..

apek poyo said...

cucu tun teja : hambik laaa..ekekek

cik ice : apo psl sompuittt?huhu

nuralyn : huhuhu...sajo bg sakit kepala

♛RaRa♛ said...

idok lerr paham teman~:P

Rain said...

aku buat2 paham je bila baca komen si rerama tu.. aih, pekat benor kecek nogoqhi..

:(

LURZAN TAZA LIMAJ said...

humang aih:-)